Cwrdd â’r Ymddiriedolwyr

Margaret

Cadeirydd

Mae Margaret wedi ymddeol erbyn hyn. Mae hi wedi cael gyrfa eang a ddiddorol yn y celfyddydau a gweinyddiaeth. Mae ei rolau wedi cynnwys actor, athrawes (ym maes addysg gynradd, uwchradd, addysg bellach ac addysg gymunedol), Arholwr Drama gyda CBAC, a Swyddog Datblygu’r Celfyddydau.

Mae ei huchafbwyntiau dros y blynyddoedd yn cynnwys sefydlu Clwyd Dance (Eleni erbyn hyn), sefydlu a pharhau i ymwneud â Clwyd Community Theatre Association, a sefydlu Canolfan Glanrafon yn Yr Wyddgrug fel canolfan celfyddydau.

Mae hi wedi gwasanaethu ar lawer o bwyllgorau, ac mae hi wedi cael cysylltiad tymor hir gyda Eleni fel rhan o’i gyrfa a thu hwnt.

Karen

Trysorydd

Roedd gan Karen rôl uwch gorfforaethol i Gyngor yng Ngogledd Cymru lle'r oedd hi'n arwain ar gynllunio busnes a pherfformiad strategol, rheoli risg, datblygu polisïau a chyfathrebu corfforaethol. Bu hefyd yn cydlynu perthynas y Cyngor â sefydliadau allweddol yn y trydydd sector gan gynnwys rheoli grantiau a chytundebau ariannu.

Mae hi wedi bod yn ymwneud â gwaith gwirfoddol gyda nifer o sefydliadau trydydd sector gan gynnwys Cyngor Cymuned lle bu’n arwain y rhaglennu a’r cynllunio Digwyddiadau ac mae hi bellach hefyd yn Ymddiriedolwr gyda Chyngor Gwirfoddol Lleol Sir y Fflint a Chyngor ar Bopeth Sir y Fflint.

Mae hi'n gobeithio y bydd Eleni yn elwa o'i phrofiad helaeth o lywodraethu ac mae hi wrth ei bodd ei bod wedi cael ei gofyn i gymryd rhan weithredol.

Jamie

Ymddiriedolwr

Dechreuodd Jamie ei hyfforddiant dawns proffesiynol yng Ngholeg Stella Mann cyn mireinio ei dechneg dawns gyfoes yn Ysgol Ddawns Gyfoes Llundain. Yn ddiweddarach, cwblhaodd gymhwyster TAR ym Mhrifysgol Aberystwyth. Tra'n dal i hyfforddi, dechreuodd Jamie ar ei yrfa berfformio broffesiynol, gan deithio o amgylch y DU ac yn rhyngwladol. Parhaodd Jamie i ddatblygu ei yrfa yn y sector dawns, gan ymgymryd â rolau fel Ymarferydd Dawns a Rheolwr Prosiect mewn dysgu a chyfranogiad, yn ogystal ag addysg dawns. Gyda dros ddegawd o brofiad o weithio ym maes addysg fel arweinydd a darlithydd, mae Jamie ar hyn o bryd yn gwasanaethu fel Pennaeth Dawns a Chynhyrchydd Celfyddydau Cenedlaethol Ieuenctid Cymru (CCIC). Mae Jamie yn rhannu ei angerdd dros ddawns fel eiriolwr awdurdodol dros wneud gweithgareddau dawns yn hygyrch i bob cymuned. Yn ogystal, mae Jamie yn cyfrannu fel Hwylusydd Dawns i Gyngor Celfyddydau Cymru ac yn gynghorydd dawns i amrywiol sefydliadau uchel eu parch, gan gynnwys yr eisteddfod ryngwladol.

Ymddiriedolwr

Mae Sue yn dod â phrofiad helaeth ym meysydd addysg arbennig, y celfyddydau a llywodraethu i Eleni. Yn ystod ei gyrfa fel athrawes a phennaeth, datblygodd ddiddordeb arbennig yng ngwerth y celfyddydau mewn addysg a’r cyfleoedd y maent yn eu creu i gymryd rhan, mynegi a dysgu.

Mae Sue wedi gwasanaethu ar nifer o bwyllgorau Cyngor Celfyddydau Cymru, gan gael cipolwg ar yr heriau sy’n wynebu ymarferwyr a sefydliadau celfyddydol wrth geisio cyllid. Bu hefyd yn gadeirydd ar Ŵyl Gelfyddydau Sir y Fflint o 2002 hyd nes i’r ŵyl ddod i ben.

Bu Sue yn ymddiriedolwr gyda New Dance, sef Eleni bellach, tan 2020. Mae ganddi gysylltiad hirsefydlog â’r sefydliad ac ymrwymiad cryf i gelfyddydau cynhwysol.